Մ․ Մեսրոպյանը աշխատանքային այցով Մոլդովայի Հանրապետությունում է

31/05/2024

Մոլդովայի Հանրապետությունում Հայասանի Հանրապետության դեսպան Վլադիմիր Կարապետյանի նախաձեռնությամբ և Մոլդովայի Հանրապետության էներգետիկայի նախարար Վիկտոր Պարլիկովի հրավերով , մայիսի 29-ին «Հաշվարկային Կենտրոն» ՓԲԸ Գլխավոր տնօրեն Մեսրոպ Մեսրոպյանը աշխատանքային այցով հանդիպումներ է ունեցել Էներգետիկայի նախարար Վիկտոր Պարլիկովի և «Մոլդէլեկտրիկա» ՊՁ-ի Գլխավոր տնօրեն Սերջիու Ապարատուի հետ։ Քննարկել են երկուստեք հետաքրքրող հարցեր, մասնավորապես Մեսրոպյանը ներկայացրել է ՀՀ ազատականացված էլեկտրաէներգետիկական մեծածախ շուկայի մոդելը, շուկայի զարգացման հեռանկարները, մինչ օրս առաջ եկած խնդիրները և այդ խնդիրների հաղթահրման ուղիները։ Ծանոթացել է Մոլդովայի էլեկտրաէներգետիկական մեծածախ շուկայի ազատականացման ռեֆորմի ընթացքին։

Մոլդովացի գործընկերները ներկայացրել են նաև վերջին տարիներին Մոլդովայի հանրապետության էներգետիկայի դիվերսիֆիկացման գործընթացը և արդյունքները։ Գործընթացի հիմնական նպատակներից է եղել նվազեցնել Մոլդովայի էներգետիկայի կախվածությունը ներկրվող էներգակիրներից, էներգետիկական նոր ենթակառուցվածքների ստեղծումը, ոլորտի կառավարման կառուցվածքային փոփոխությունները և ինտեգրումը դեպի եվրոպական էլեկտրաէներգետիկական շուկա։

Հանդիպման ընթացքում Մ. Մեսրոպյանը Մոլդովայի Հանրապետության էներգետիկայի նախարարին է փոխանցել ՀՀ ՏԿԵ նախարար Գնել Սանոսյանի հրավեր նամակը՝ առաջիկայում պատասխան աշխատանքային այցով Երևան այցելելու համար։